ಹದಿನಾರು ಮಂಡಲಗಳ ಎಲ್ಲಾ ಎಂಟು ಸಾವಿರ ಭಕ್ತರು ಯಜ್ಞದಲ್ಲಿ ಭಾಗವಹಿಸುವರು

ಮಹಾನ್ ವ್ಯಕ್ತಿ ಅಚ್ಯತಾನಂದ ದಾಸರು ಬರೆದ ಭವಿಷ್ಯ ಮಾಲಿಕಾದ ಕೆಲವು ಅಪರೂಪದ ಸಾಲುಗಳು ಮತ್ತು ಸಂಗತಿಗಳು–

“ಸಿಯಾಳದಹರೆ ಪಾತಿ ರೇಲ್ ಪಿಂಧೀನ ಲೋಹಾರ ಸರಂಖಲ್

ರಹಿಚಿ ಸಹಿ ಬಂದಿ ಖರೇ ಮುಕ್ತಿ ಲಾಗಿಬೆ ಜಗ್ಯ ಸ್ಥಳೆ”

ಅರ್ಥ : 

ಹದಿಮೂರು ಮುಸ್ಲಿಂ ರಾಷ್ಟ್ರಗಳೊಂದಿಗಿನ ಯುದ್ಧವು ಭಾರತದಿಂದ ಪ್ರಾರಂಭವಾಗುವ ಮೊದಲು ಪಶ್ಚಿಮ ಬಂಗಾಳ ರಾಜ್ಯದ ಸೀಲ್ದಾದಲ್ಲಿ ಮಹಾಯಜ್ಞವನ್ನು ಆಯೋಜಿಸಲಾಗುತ್ತದೆ. ಆ ಸಮಯದಲ್ಲಿ ಕಲ್ಕಿ ದೇವರ ಹದಿನಾರು ಮಂಡಲಗಳ ಎಲ್ಲಾ ಎಂಟು ಸಾವಿರ ಭಕ್ತರು ಮಹಾಯಜ್ಞದಲ್ಲಿ ಭಾಗವಹಿಸಿ ಆ ಮಹಾಯಜ್ಞವನ್ನು ಪೂರ್ಣಗೊಳಿಸುತ್ತಾರೆ. ಆ ಸಮಯದಲ್ಲಿ ಒಂದು ಅದ್ಭುತ ಘಟನೆ ನಡೆಯುತ್ತದೆ. ಸೀಲ್ಡಾದಲ್ಲಿ ಬ್ರಿಟಿಷರ ಆಳ್ವಿಕೆಯಲ್ಲಿ ನಿರ್ಮಿಸಲಾದ ಹಿತ್ತಾಳೆಯ ಇಂಜಿನ್ ಅನ್ನು ಅಲ್ಲಿನ ವಸ್ತುಸಂಗ್ರಹಾಲಯದಲ್ಲಿ ಕಬ್ಬಿಣದ ಸರಪಳಿಯಿಂದ (ಕಬ್ಬಿಣದ ಸರಪಳಿ) ಕಟ್ಟಿ ಸುರಕ್ಷಿತವಾಗಿ ಇಡಲಾಗಿದೆ. ಆ ಇಂಜಿನ್ ಆ ಸರಪಳಿಯನ್ನು ಮುರಿದು ಯಾವುದೇ ಚಾಲಕ (ಡ್ರೈವರ) ಇಲ್ಲದೆ  ತನ್ನಷ್ಟಕ್ಕೆ ತಾನೆ  ಚಲಿಸುತ್ತದೆ ಮತ್ತು ಜಗನ್ನಾಥನ  ವಿಗ್ರಹಗಳನ್ನು ಭಗವಾನ್ ಕಲ್ಕಿಯ ಇಚ್ಛೆಯಂತೆ ಜಗನ್ನಾಥ ಪುರಿಗೆ ತರಲಾಗುತ್ತದೆ.. ಸೀಲ್ಡಾದಲ್ಲಿ ನಡೆಯಲಿರುವ ಮಹಾಯಜ್ಞದ ಆಚರಣೆಯ ಪ್ರಭಾವದಿಂದ ಆ ಹಿತ್ತಾಳೆಯ ರೈಲು ಎಂಜಿನ್‌ ಸ್ವಾತಂತ್ರ್ಯವನ್ನು ಪಡೆಯುತ್ತದೆ.

ಮಹಾಪುರುಷ ಪುನಃ ಬರೆಯುತ್ತಾರೆ..

“ಭಕ್ತಂಕರ ಕುರಿಬೇ ಕಾತರ ಸ್ಮರಿಬೇ ಕಲ್ಕಿ ಮನಾಂತರ ತೆನುಕರ ಸೇಹಿ ಸಮಯ ಸಮಸ್ತ ಭಕ್ತ”

ಅರ್ಥ : 

ಆ ಸಮಯದಲ್ಲಿ ಹದಿನಾರು ಮಂಡಲಗಳ ಎಂಟು ಸಾವಿರ ಭಕ್ತರು ಸೀಲ್ಡಾದ ಯಜ್ಞಸ್ಥಳದಲ್ಲಿ ಕಲ್ಕಿ ದೇವರ ಹೆಸರಿನಲ್ಲಿ ಸ್ತೋತ್ರಗಳನ್ನು ಪಠಿಸುತ್ತಾರೆ, ಅವರೆಲ್ಲರೂ ಶುದ್ಧ ಭಕ್ತಿಯಿಂದ, ತುಂಬು ಹೃದಯದಿಂದ ಮಹಾಪ್ರಭುವಿಗೆ ತಮ್ಮ ಸರ್ವಸ್ವವನ್ನು  ಅರ್ಪಿಸುತ್ತಾರೆ.

ಸೀಲ್ಡಾದ ಯಾಗದ ಸಮಯದಲ್ಲಿ ಶ್ರೀ ಕ್ಷೇತ್ರದ ಮೇಲೆ ಯವನರ ಆಕ್ರಮಣದ ಕುರಿತು ಮಹಾಪುರುಷರು ಬರೆಯುತ್ತಾರೆ…

“ಬಹಿವ ತಹಿ ರಕ್ತ ಧಾರಾ ಖೇತ್ರೆ ಕಂಪಿಬೆ ಚಕ್ರಧರ,

ಸಂಘಾರ ಕರತಾ ಸದಾಶಿವ ಶ್ರೀಖೇತ್ರೆ ಮಿಲಿತಿಬ ಆಗೋ,

ಸೆಸ್ಥಾನೇ ತುಂಬೆ ಗುಪ್ತೇತಿಬ್ ಮೋಹಿ ತೇಹಿ ಹೇಬಿ ಅವಿರ್ಭಾಬ,

ಏಹಿ ಸಮಯ ಪಾತಿ ರೇಲ್ ಶ್ರೀಖೇತ್ರೆ ಮಿಲಿಬೆ ಚಂಚಲ.”

ಅರ್ಥ : 

ಸೀಲ್ಡಾದ ಮಹಾಯಜ್ಞದ ನಂತರ, ಶ್ರೀಕ್ಷೇತ್ರದ ಮೇಲೆ (ಜಗನ್ನಾಥ ದೇವಾಲಯ) ವಿದೇಶಿ ಸೈನ್ಯದಿಂದ ದಾಳಿ ನಡೆಯಲಿದೆ. ಶ್ರೀ ಕ್ಷೇತ್ರದಲ್ಲಿ ಘೋರ ರಕ್ತಪಾತವಾಗುತ್ತದೆ, ಅಸಂಖ್ಯಾತ ಜನರು ಸಾಯುತ್ತಾರೆ. ಭಗವಾನ್ ಜಗನ್ನಾಥನ ಶ್ರೀಕ್ಷೇತ್ರವು ಯುದ್ಧದ ಮಹಾ ವಿನಾಶದ ಉಗ್ರತೆಯಿಂದ ನಡುಗುತ್ತದೆ. ಅದೇ ಸಮಯದಲ್ಲಿ ಜಗನ್ನಾಥಪುರಿ ​​ದೇವಸ್ಥಾನದ ಮೇಲೆ ಶತ್ರುಗಳ ದಾಳಿಯ ಬಗ್ಗೆ ಶಿವ ಮತ್ತು ಮಾತಾ ಭವಾನಿ ಅವರಿಗೆ ತಿಳಿಯುತ್ತದೆ ಮತ್ತು ಧ್ಯಾನದಲ್ಲಿ ಕುಳಿತಿರುವ ಉಮಾಪತಿ ಮಹಾದೇವನು ಶ್ರೀ ಜಗನ್ನಾಥ ಕ್ಷೇತ್ರದಲ್ಲಿ ವಿಪತ್ತು ಸಂಭವಿಸಿದೆ ಎಂದು ಭಾವಿಸುತ್ತಾನೆ ಮತ್ತು ಕೈಲಾಸದಿಂದ ಜಗನ್ನಾಥ ಪುರಿ ಕ್ಷೇತ್ರಕ್ಕೆ ಧಾವಿಸುತ್ತಾನೆ.

ಅದೇ ಸಮಯದಲ್ಲಿ ಕಲ್ಕಿ ಭಗವಂತ ಶ್ರೀಕ್ಷೇತ್ರದಲ್ಲಿ ಕಾಣಿಸಿಕೊಳ್ಳುತ್ತಾನೆ. ಆ ಘೋರ ಯುದ್ಧದ ಸಮಯದಲ್ಲಿ, ಯವನ ಸೈನ್ಯವು ದೇವಾಲಯದೊಳಗೆ ಪ್ರವೇಶಿಸುತ್ತದೆ, ಆಗ ಬಹಳ ವಿಚಿತ್ರವಾದ ಪರಿಸ್ಥಿತಿ ಇರುತ್ತದೆ. ಭಾರತೀಯ ಸೇನೆ ಮತ್ತು ಯವನ ಸೇನೆಯ ನಡುವೆ ಮಹಾ ಯುದ್ಧ ನಡೆಯುತ್ತದೆ, ಆಗ ಭಗವಾನ್ ಕಲ್ಕಿ ಮತ್ತು ಸದಾಶಿವ ದೇವರು ಬಂದು ಜಗನ್ನಾಥ ದೇವಾಲಯ ಮತ್ತು ಒಡಿಶಾವನ್ನು ರಕ್ಷಿಸುತ್ತಾರೆ. ಆಗ ಮಾತ್ರ ಆ ರೈಲು ಇಂಜಿನ್ ಆ ಕಬ್ಬಿಣದ ಸರಪಳಿಯನ್ನು ಮುರಿದು ಯಾವುದೇ ಡ್ರೈವರ್ ಇಲ್ಲದೆ ಜಗನ್ನಾಥ್ ಪ್ರಭುವನ್ನು ಕರೆತರಲು ಸೀಲ್ಡಾ ದಿಂದ ಜಗನ್ನಾಥ ಪುರಿಗೆ ಹೊರಡುತ್ತದೆ. ಸೀಲ್ದಾದಿಂದ ಜಗನ್ನಾಥ ಪುರಿಗೆ ಯಾವುದೇ ರೈಲು ಮಾರ್ಗ ಇರಲಿಲ್ಲ, ಆದರೆ ಭಗವಾನ್ ಜಗನ್ನಾಥನ ಕೃಪೆಯಿಂದ ಕಳೆದ ವರ್ಷಗಳಲ್ಲಿ ಸೀಲ್ದಾದಿಂದ ಪುರಿಗೆ ರೈಲು ಮಾರ್ಗವನ್ನು ನಿರ್ಮಿಸಲಾಗಿದೆ. ಆ ಹಿತ್ತಾಳೆಯ ಇಂಜಿನ್ ಯಾವುದೇ ಡ್ರೈವರ್ ಇಲ್ಲದೆ, ದೇವರ ಇಚ್ಛೆಯಿಂದ ಸೀಲ್ಡಾದಿಂದ ಜಗನ್ನಾಥ ಪುರಿಗೆ ನೇರವಾಗಿ ಬಂದು ನಿಲ್ಲುತ್ತದೆ.

ಮಂದಿರೆ ಪಸಿಬೆ ಝಸಾಯಿ ಪಾಂಡನಕು ಹಾಣಿ ದೆಬೆ ಸೆಹಿ.

ಅರ್ಥ : 

ಅಸಂಖ್ಯಾತ ಮುಸ್ಲಿಂ ಸೈನ್ಯವು ಜಗನ್ನಾಥ ದೇವಾಲಯವನ್ನು ಪ್ರವೇಶಿಸಲು ಪ್ರಯತ್ನಿಸುತ್ತಿರುವಾಗ, ಅವರು ಜಗನ್ನಾಥರ (ಸೇವಾಯತ್ ) ಪುರೋಹಿತರ ಜೊತೆ ಹೋರಾಡುತ್ತಾರೆ ಮತ್ತು ಅನೇಕ ಜನರು ಕೊಲ್ಲಲ್ಪಡುತ್ತಾರೆ. ಏಳು ದಿನಗಳ ಕಾಲ ಮುಸ್ಲಿಂ ದೇಶದ ಸೈನ್ಯವು ಅಲ್ಲಿಯೇ ಇರುತ್ತದೆ ಮತ್ತು ಏಳು ದಿನಗಳ ನಂತರ ಭಾರತೀಯ ಸೇನೆಯು ದೇವಾಲಯವನ್ನು ಮುಸ್ಲಿಂರ ಆಕ್ರಮಣದಿಂದ ಮುಕ್ತಗೊಳಿಸುತ್ತದೆ.

ದೇವುಲೆ ನೀತಿ ಬಂಧ ಹೆಬೋ ಬಿಮಲಾ ಆಖಿ ತರತೀಬ.

ಅರ್ಥ : 

 ಜಗನ್ನಾಥ ಪುರಿಯಲ್ಲಿ ಮಾತ್ರ ಭಗವಂತನು ಸಾಥಿಯೆಪೋತಿ                  (ಬೇಯಿಸಿದ  ನೈವೇದ್ಯ) ಭಕ್ಷ್ಯಗಳನ್ನು, ಅಂದರೆ ವಿವಿಧ ರುಚಿಕರವಾದ ಭಕ್ಷ್ಯಗಳನ್ನು ಆನಂದಿಸುತ್ತಾನೆ.

ಭವಿಷ್ಯ ಮಾಲಿಕಾದಲ್ಲಿ ಜಗನ್ನಾಥನು ಪ್ರಯಾಗರಾಜ್‌ನಲ್ಲಿ ಪ್ರತಿದಿನ ಸ್ನಾನ ಮಾಡುತ್ತಾನೆ ಎಂದು ವಿವರಿಸಲಾಗಿದೆ. ಭಗವಂತ ಬದರಿಧಾಮದಲ್ಲಿ ಕಂಗೊಳಿಸುತ್ತಾನೆ. ಜಗನ್ನಾಥನು ಪುರಿಯಲ್ಲಿ ಕಾಣಿಕೆಗಳನ್ನು ತೆಗೆದುಕೊಳ್ಳುತ್ತಾನೆ ಮತ್ತು ಅದರ ನಂತರ ಭಗವಂತ ಇಡೀ ಬ್ರಹ್ಮಾಂಡದ ಸ್ಥಿತಿಯನ್ನು ವೀಕ್ಷಿಸಲು ರಹಸ್ಯ ಸ್ಥಳಕ್ಕೆ ಹೋಗುತ್ತಾನೆ. ಅದರ ನಂತರ ಭಗವಂತ ದ್ವಾರಕಾಧೀಶಕ್ಕೆ ಹೋಗಿ ಅಲ್ಲಿ ವಿಶ್ರಾಂತಿ ಪಡೆಯುತ್ತಾನೆ. ನಂತರ ರಾತ್ರಿಯಲ್ಲಿ ಭಗವಂತನು ವೃಂದಾವನದಲ್ಲಿ ಗೋಪಿಯರೊಂದಿಗೆ ಪ್ರತಿ ರಾತ್ರಿ ರಾಸಲೀಲೆಯನ್ನು ಮಾಡುತ್ತಾನೆ. ಇದು ಈ ಧರಧಾಮದಲ್ಲಿ ಜಗತ್ಪತಿಯ ದಿನಚರಿಯಾಗಿದೆ. ಹಿತ್ತಾಳೆಯ ಇಂಜಿನ್ ಜಗನ್ನಾಥ ಪುರಿಗೆ ತಲುಪಿದಾಗ, ಜಗನ್ನಾಥನ ದೈನಂದಿನ ಪೂಜೆ ನಿಲ್ಲುತ್ತದೆ. ಆಮೇಲೆ ಪುರಿಯಲ್ಲಿ ಜಗನ್ನಾಥ ಮಂದಿರದ ಅಧಿದೇವತೆಯಾದ ಮಾತಾ ಬಿಮಲ (ದುರ್ಗಾ) ಳನ್ನು ಸಹ ಜಗನ್ನಾಥನ ರೀತಿಯಲ್ಲಿಯೇ ಪೂಜಿಸಲಾಗುತ್ತದೆ.ಮಾತೆ ಬಿಮಲಾ ಸ್ವತಃ ಎಲ್ಲಾ ಘಟನೆಗಳನ್ನು ಮೌನವಾಗಿ ವಿಕ್ಷೀಸುತ್ತಾಳೆ ಮತ್ತು ಇದೆಲ್ಲವೂ  ಭಗವಂತನ ಧರ್ಮ ಕಾರ್ಯದ ಸಮಯ ಎಂದು ಅರ್ಥಮಾಡಿಕೊಳ್ಳುತ್ತಾಳೆ. ಇದು ಧರ್ಮ ಸ್ಥಾಪನೆಯ ಲೀಲೆಯ ಒಂದು ಭಾಗ ಮಾತ್ರ. ಆ ಸಮಯದಲ್ಲಿ, ಜಗತ್ಪತಿ ಭಗವಾನ್ ಜಗನ್ನಾಥನು ತಮ್ಮ ಶ್ರೀಕ್ಷೇತ್ರವನ್ನು ತೊರೆದು ಧರ್ಮವನ್ನು ಸ್ಥಾಪಿಸಲು ಛಾತಿಯ ವಟಗೆ ಹೋಗಲಿದ್ದಾರೆ.

“ಗರುಡ ಆದಿ ಬಿರಾಜೇತೆ ಚಾಹಿನಾ ಥಿಬೇ ಆಜ್ಞಾಮಾತ್ರೆ,

ದಕ್ಷಿಣ ದ್ವಾರೇ ಹನುವೀರ್ ಮಾಡುಮತಿಬ ಭುಜತಾರ,

ಬೋಧಿಬೆ ತಾರ ಚಕ್ರಧರ ಮರ್ತ್ಯಬೈಕುಂಠ ಹುಎ ಸಾರ್ ”

ಅರ್ಥ : 

ಆ ಸಮಯದಲ್ಲಿ ಭಕ್ತ ಗರುಡ ಮತ್ತು ಎಲ್ಲಾ ವೀರ ಯೋಧರು ಭಗವಂತನ ಆದೇಶಕ್ಕಾಗಿ ಕಾಯುತ್ತಾ ಕುಳಿತು ಭಗವಂತನ ಆದೇಶವನ್ನು ಪಡೆದ ನಂತರ ಇಡೀ ಯವನ ಸೈನ್ಯವನ್ನು ಹೇಗೆ ನಾಶ ಮಾಡುವುದರ ಬಗ್ಗೆ ಆಲೋಚಿಸುತ್ತಾರೆ.. ಅವರಿಗೆ ಸಾಮರ್ಥ್ಯವಿರುತ್ತದೆ ಆದರೆ ಭಗವಂತನ ಅನುಮತಿಯಿಲ್ಲದೆ ಇದನ್ನು ಮಾಡಲು ಸಾಧ್ಯವಾಗುವುದಿಲ್ಲ ಮತ್ತು ಆಗ ದೇವಾಲಯದ ದಕ್ಷಿಣ ದ್ವಾರದಲ್ಲಿ ಇರುವ ಹನುಮಂತನು (ಬೇಡಿ ಹನುಮಾನ್) ದಕ್ಷಿಣ ದ್ವಾರದಿಂದ ಕಾಣಿಸಿಕೊಂಡು  ಕರಾಳ ರೂಪದಲ್ಲಿ ಘರ್ಜಿಸುವನು.

ವೀರರೆಲ್ಲರೂ ಸೇರಿ ಭಗವಂತನ ಅಪ್ಪಣೆಗಾಗಿ ಕಾಯುತ್ತಾರೆ, ಆಗ ಮಹಾಪ್ರಭು ಜಗನ್ನಾಥನು ಹೇಳುತ್ತಾನೆ. ಈ ಕಲಿಯುಗದಲ್ಲಿ ನಾನಿಲ್ಲಿ ದಾರುಬ್ರಹ್ಮ ಅವತಾರದಲ್ಲಿ ಇದ್ದೇನೆ ಮತ್ತು ಬುದ್ಧನ ರೂಪದಲ್ಲಿಯೂ ಇದ್ದೇನೆ. ಅದಕ್ಕಾಗಿಯೇ ನಾನು ಇಲ್ಲಿ ಎಲ್ಲವನ್ನೂ ನೋಡುತ್ತೇನೆ ಆದರೆ ಏನನ್ನೂ ಹೇಳುವುದಿಲ್ಲ. ಇದು ಮಾರಣಾಂತಿಕ ಸ್ವರ್ಗವಾದ್ದರಿಂದ, ನಾನು ಇಲ್ಲಿ ಹೋರಾಡಲು ಬಯಸುವುದಿಲ್ಲ. ನನ್ನ ದೇಹದಿಂದ ನಾನು ಕಲ್ಕಿಯಾಗಿ ಜನ್ಮ ತಳೆದು ಹೋರಾಡುತ್ತೇನೆ. ಆದ್ದರಿಂದ ಓ ಹನುಮಾನ್ ಮತ್ತು ಗರುಡ, ನೀವೆಲ್ಲರೂ ನಿರೀಕ್ಷಿಸಿ, ಇದು ಯುದ್ಧದ ಸಮಯವಲ್ಲ.

“ಜೈ ಜಗನ್ನಾಥ“