ಭವಿಷ್ಯ ಮಾಲಿಕಾ  ಗ್ರಂಥದ ಲೇಖಕರು ಯಾರು?

ಸತ್ಯ, ತ್ರೇತಾ, ದ್ವಾಪರ ಮತ್ತು ಕಲಿಯುಗ, ಈ ನಾಲ್ಕು ಯುಗಗಳಲ್ಲಿ ಭಗವಂತನ ಪಂಚಸಖರು ಈ ಭೂಮಿಯಲ್ಲಿ ಹುಟ್ಟುತ್ತಾರೆ . ಯುಗದ ಅಂತ್ಯದಲ್ಲಿ, ವಿಷ್ಣುವಿನ ಧರ್ಮವನ್ನು ಸ್ಥಾಪಿಸುವ ಕಾರ್ಯದಲ್ಲಿ ಪಂಚಸಖರು ತಮ್ಮ ಸಹಕಾರವನ್ನು ನೀಡುತ್ತಾರೆ. ತನ್ನ ಸ್ವಕರ್ಮವನ್ನು ಮುಗಿಸಿದ ನಂತರ, ಭಗವಂತನಾದ ವಿಷ್ಣುವು ಗೋಲೋಕಧಾಮ ಅಥವಾ ವೈಕುಂಠಕ್ಕೆ ಪರಾವರ್ತನೆ (ಹಿಂತಿರುಗುತ್ತಾನೆ) ಮಾಡುತ್ತಾನೆ. ಪಂಚಸಕರು ದೇವರ ಅಂಶದಿಂದ ಮಾತ್ರ ಹುಟ್ಟಿರುತ್ತಾರೆ. ಈ ಪಂಚಸಖರು ಪ್ರತಿ ಯುಗದಲ್ಲೂ ವಿವಿಧ ರೂಪಗಳಲ್ಲಿ ಜನ್ಮ ತಾಳುತ್ತಾರೆ.

ಭವಿಷ್ಯ ಮಾಲಿಕಾ ಗ್ರಂಥ ಮತ್ತು ಪುರಾಣಗಳಲ್ಲಿಈ ಪುರಾವೆಗಳು ದೊರಕುತ್ತವೆ. 

ಸತ್ಯಯುಗದಲ್ಲಿ ಪಂಚಸಖರ ಹೆಸರುಗಳು:- ನಾರದ, ಮಾರ್ಕಂಡ, ಗರ್ಗವ, ಸ್ವಯಂಭು ಮತ್ತು ಕೃಪಾಜಲ ಎಂದು ಕಂಡುಬಂದಿದೆ. ಸತ್ಯಯುಗದ ಕೊನೆಯಲ್ಲಿ, ತಮ್ಮ ತಮ್ಮ ಕಾರ್ಯಗಳನ್ನು ಮುಗಿಸಿ, ಈ ಪಂಚಸಖರು ಮತ್ತೆ ವೈಕುಂಠಕ್ಕೆ ಮರಳಿದ್ದರು.

     ಭಗವಂತನಾದ ಶ್ರೀ ರಾಮಚಂದ್ರರವರ , ಧರ್ಮ ಸಂಸ್ಥಾಪನೆಯ ಸಮಯದಲ್ಲಿ, ಈ ಪಂಚಸಖರು ಮತ್ತೆ ಜನಿಸಿದರು. ಆ ಸಮಯದಲ್ಲಿ ಅವರ ಹೆಸರುಗಳು:- ನಲ್, ನೀಲ್, ಜಾಂಬವಂತ , ಸುಷೇನ್ ಮತ್ತು ಹನುಮಂತ .ಹನುಮಂತನು ರುದ್ರ ಅವತಾರವಾಗಿ ಜನಿಸಿದರೂ, ಅವರು ಪಂಚಸಖಗಳಲ್ಲಿ ಒಬ್ಬರಾಗುವ ಮೂಲಕ ಧರ್ಮವನ್ನು ಸ್ಥಾಪಿಸುವ ಕೆಲಸದಲ್ಲಿ ಭಗವಂತನಾದ ಶ್ರೀ ರಾಮಚಂದ್ರರಿಗೆ ಸಹಾಯ ಮಾಡಿದರು. ಹಾಗೆಯೇ, ತ್ರೇತಾಯುಗದಲ್ಲಿ, ಈ ಪಂಚಸಖರು ತಮ್ಮ ತಮ್ಮ ಕಾರ್ಯಗಳನ್ನು ಮುಗಿಸಿ ಮತ್ತೆ ಗೋಲೋಕ ವೈಕುಂಠಕ್ಕೆ ಮರಳಿದರು.

        ಮತ್ತೆ ದ್ವಾಪರ ಯುಗದಲ್ಲಿ ಪಂಚಸಖರು ಹುಟ್ಟಿ, ಕೃಷ್ಣನ ಆಗಮನಕ್ಕೆ ಮತ್ತು ಧರ್ಮ ಸಂಸ್ಥಾಪನೆಯ ಕಾರ್ಯಕ್ಕೆ ತಮ್ಮ ಅಮೂಲ್ಯ ಕೊಡುಗೆಯನ್ನು ನೀಡಿದರು. ದ್ವಾಪರ ಯುಗದಲ್ಲಿ ಆ ಪಂಚಸಖರ ಹೆಸರುಗಳು :- ದಾಮ , ಸುದಾಮಾ , ಸುಬಲ, ಸುಬಾಹು ಮತ್ತು ಶ್ರೀಬಚ್ಚ.

          ನಂತರ ಕಲಿಯುಗವು ಆಗಮಿಸಿತು ಮತ್ತು ಕಲಿಯುಗವು ಮುಗಿಯುವ ಸುಮಾರು 500 ವರ್ಷಗಳ ಮೊದಲು, ಭಗವಂತನ ಪಂಚಸಖರು ಮತ್ತೆ ಜನ್ಮ ತಾಳಿದರು. ಕಲಿಯುಗದಲ್ಲಿನ ಪಂಚಸಖರ  ಹೆಸರುಗಳು:- ಅಚ್ಯುತಾನಂದ ದಾಸ, ಅನಂತ್ ದಾಸ, ಯಶೋವಂತ ದಾಸ, ಜಗನ್ನಾಥ ದಾಸ ಮತ್ತು ಬಲರಾಮ ದಾಸ. ಈ ಕಲಿಯುಗದಲ್ಲಿ  ನಿರಾಕಾರನಾದ ಶ್ರೀ ಜಗನ್ನಾಥರ ಸೂಚನೆಯಂತೆ ಪಂಚಸಖರು ಜನ್ಮ ತಾಳಿದರು.ಭಗವಂತ ಹೇಳುತ್ತಾನೆ, “ಈ ಭೂಮಿಯಲ್ಲಿ ಪಾಪಗಳ ಹೊರೆ ಹೆಚ್ಚಾದಾಗ, ಧರ್ಮಕ್ಕೆ ಮಾನಹಾನಿಯಾಗುತ್ತದೆ, ಮತ್ತು ಕರುಣೆ, ಕ್ಷಮೆ, ವಾತ್ಸಲ್ಯ, ಪ್ರೀತಿಗಳ ಸ್ಥಾನದಲ್ಲಿ ಹಿಂಸೆ, ದುರುದ್ದೇಶ, ಕ್ರೋಧ, ಕಾಮ, ಅಸೂಯೆ  ತುಂಬುತ್ತವೆ, ಆಗ ಯುಗದ ಅಂತ್ಯದಲ್ಲಿ, ನಾಲ್ಕು ಯುಗಗಳ ನನ್ನ ಭಕ್ತರ ದುಃಖವನ್ನು ತೊಡೆದುಹಾಕಲು ಮತ್ತು ಭೂಮಾತೆಯ ಭಾರವನ್ನು ಕಡಿಮೆ ಮಾಡಲು, ಭೂಮಿಯ ಮೇಲೆ ಸತ್ಯ, ಶಾಂತಿ, ದಯೆ, ಕ್ಷಮೆ ಮತ್ತು ಪ್ರೀತಿಯನ್ನು ಸ್ಥಾಪಿಸಿ, ದುಷ್ಟರನ್ನು ವಿನಾಶಗೊಳಿಸಿ, ಶಿಷ್ಟರನ್ನು ರಕ್ಷಿಸಲು, ನಾನು ಈ ಭೂಮಿಯಲ್ಲಿ ಕಲ್ಕಿಯಾಗಿ ಅವತರಿಸುತ್ತೇನೆ. ನಾನು ಬರುವ ಮೊದಲು ನೀವು (ಪಂಚಸಖ) ಧರ್ಮವನ್ನು ಪುನರ್ ಸ್ಥಾಪಿಸಿ  ಮತ್ತು ಚತುರ್ಯುಗದ ಭಕ್ತರನ್ನು ಉಳಿಸಲು, ಭಕ್ತರ ಸಭೆಗಾಗಿ ಮತ್ತು 

ಅವರನ್ನು ಭ್ರಷ್ಟ ಮಾರ್ಗದಿಂದ ಸತ್ಯವಾದ ಮಾರ್ಗಕ್ಕೆ ತರಲು ಭವಿಷ್ಯ ಮಾಲಿಕಾ ಗ್ರಂಥವನ್ನು ರಚಿಸಿರಿಯೆಂದು ಆಜ್ಞಾಪಿಸಿದರು.

ಅದಕ್ಕೆ ಅಚ್ಯುತಾನಂದ ದಾಸ್ ಹೀಗೆ ಬರೆಯುತ್ತಾರೆ.

“ಹೇತು ರಸಾಇಬಾ ಪಾಈ ಕಿ ಅಚ್ಚುತ ಸಾಹಾಸ್ತ್ರ್ ಪುರಾಣ ಕಲೆ | 

ಕಲಿ ಕಾಲ ಠಾರು ಬಲಿ ಕಾಲ ಜಾಏ ಹಕ ಕಥಾ ಟಾ ಲೆಖಿಲೆ”   

ಮೇಲಿನ ಶ್ಲೋಕದ ಅರ್ಥ-

ಭಕ್ತರ ಸುಪ್ತ ಪ್ರಜ್ಞೆಯನ್ನು ಜಾಗೃತಗೊಳಿಸುವ ಸಲುವಾಗಿ ಮಹಾಪುರುಷರು ಕಲಿಯುಗದಿಂದ ಸಂಗಮ ಯುಗದವರೆಗೆ ಮತ್ತು ಸಂಗಮ ಯುಗದಿಂದ ಸತ್ಯ ಯುಗದವರೆಗೆ ಸಂಭವಿಸುವ ಎಲ್ಲದರ ಸತ್ಯವನ್ನು ಭವಿಷ್ಯ ಮಾಲಿಕಾ ಗ್ರಂಥದ ರೂಪದಲ್ಲಿ ಉಲ್ಲೇಖಿಸಿದ್ದಾರೆ. ಇದನ್ನು ಓದುವುದರಿಂದ ಕಲಿಯುಗದ ಭಕ್ತರ ಪ್ರಜ್ಞೆ ಜಾಗೃತಗೊಂಡು ದೇವರ ಬಗ್ಗೆ ತಿಳಿದು ಭಗವಂತನಲ್ಲಿಆಶ್ರಯ ಪಡೆಯುತ್ತಾರೆ.

 ಶ್ರೀ ಹರಿ, ಜಗನ್ನಾಥ ಮಹಾಪ್ರಭು, ಮಹಾಪುರುಷ ಅಚ್ಯುತಾನಂದ ದಾಸರಿಗೆ ಕಮಲದ ಹೂವಿನ ಮಾಲೆಯನ್ನು ನೀಡಿದರು ಮತ್ತು ಈ ಮಾಲೆಯ ಎಲ್ಲಾ ಹೂವುಗಳು ಉದುರಿ ಹೋಗುವ ಸ್ಥಳದಲ್ಲಿ, ಆ ಸ್ಥಳವು ನಿಮ್ಮ ಧ್ಯಾನಪೀಠವಾಗುತ್ತದೆ  ಎಂದು ಸೂಚಿಸಿದರು. ಜಗನ್ನಾಥನ ಸೂಚನೆಯಂತೆ, ಕಮಲದ ಹೂವಿನ ಮಾಲೆಯೊಂದಿಗೆ ಪವಿತ್ರ ಶ್ರೀ ಕ್ಷೇತ್ರವನ್ನು ತೊರೆದು ವಿವಿಧ ಮಾರ್ಗಗಳಲ್ಲಿ ಸಾಗಿ, ಅವರು ಒಡಿಶಾದ ಕೇಂದ್ರಪಾಡಾ ಜಿಲ್ಲೆಯ ನೆಮಾಲ ಪ್ರದೇಶದ ಚಿತ್ರೋತ್ಪಲಾ ನದಿಯ ದಡದಲ್ಲಿರುವ ಪವಿತ್ರ ಸ್ಥಳವನ್ನು ತಲುಪಿದಾಗ, ಕೊನೆಯ ಹೂವು ಆ ಸ್ಥಳದಲ್ಲಿ ಬಿತ್ತು ಮತ್ತು ಹಾರವು ಹೂವುಗಳಿಲ್ಲದೆ ದಾರ ಮಾತ್ರ ಉಳಿಯಿತು. ಶಾಸ್ತ್ರಗಳ ಪ್ರಕಾರ, ಸತ್ಯಯುಗದಲ್ಲಿ ಸಮುದ್ರದ ಮಂಥನದಿಂದ ಕಾಣಿಸಿಕೊಂಡ ಪದ್ಮ ಪುಷ್ಪವೂ ಅದೇ ಸ್ಥಳದಲ್ಲಿ ಬಿದ್ದಿತು, ಆದ್ದರಿಂದ ಆ ಸ್ಥಳವನ್ನು “ಪದ್ಮ ವನ” ಎಂದೂ ಕರೆಯುತ್ತಾರೆ. ಮಹಾನ್ ವ್ಯಕ್ತಿ ಅಚ್ಯುತಾನಂದ ದಾಸರು ಆ ಸ್ಥಳದಲ್ಲಿಯೇ ತಮ್ಮ ಆಧ್ಯಾತ್ಮಿಕ ಅಭ್ಯಾಸವನ್ನು ಪ್ರಾರಂಭಿಸಿದರು. ಆ ಸ್ಥಳದಲ್ಲಿ ಧ್ಯಾನ ಮಾಡುವ ಮೂಲಕ, ಸತ್ಯಾ , ತ್ರೇತಾ, ದ್ವಾಪರ ಮತ್ತು ಕಲಿ , ನಾಲ್ಕು ಯುಗಗಳ ಭಕ್ತರ ಮೋಕ್ಷಕ್ಕಾಗಿ ಲಕ್ಷಾಂತರ ಶಾಸ್ತ್ರ ಪುರಾಣಗಳನ್ನು ರಚಿಸಿದರು.  ಅದೇ ಸ್ಥಳವು ಮುಂದೆ ಮಹಾಪುರುಷ ಅಚ್ಯುತಾನಂದ ದಾಸರ ತಪಸ್ಸಿನ ಸ್ಥಳವೆಂದು ಪ್ರಸಿದ್ಧವಾಯಿತು. ಭಗವಂತನ ಪಾದಕಮಲಗಳಲ್ಲಿ ಧ್ಯಾನಿಸುತ್ತಿರುವಾಗ, ಅಚ್ಯುತಾನಂದರು ಅದೇ ಸಾಬೀತಾದ ಸ್ಥಳದ ಬಗ್ಗೆ ಬರೆದಿದ್ದಾರೆ –

“ಶ್ರೀ ಅಚ್ಯುತ್ ದಾಸ್ ನೇಮಲೆ ನಿವಾಸ ಪದ್ಮ ಬನೆ ತಾಂಕ  ಸ್ಥಿತಿ,

ಪ್ರಭುಂಕ ಆಜ್ಞಾ ರೂ ಅನುಭವ ಕರಿ ಲಕ್ಷೆ ಗ್ರಂಥ ಲೇಖಿಚಂತಿ |

ಛತಿಸ  ಸಂಹಿತಾ ಬಾಸ್ತರಿ  ಗೀತಾ ವಂಶನು ಸಪ್ತ ಬಿನ್ಸ್ ರೇ,

ಉಪವಂಶನು ದ್ವಾದಸ  ಖಂಡ ಬೇನೀ  ಭವಿಷ್ಯ ಸಪ್ತ ಖಂಡ ರೇ”

ಮೇಲಿನ ಶ್ಲೋಕದ ಅರ್ಥ-

ಮಹಾಪುರುಷ ಅಚ್ಯುತಾನಂದರು ಆ ಪವಿತ್ರ ಸ್ಥಳದಲ್ಲಿ ಧ್ಯಾನ ಮಾಡುವ ಮೂಲಕ ಒಂದು ಲಕ್ಷಕ್ಕೂ ಹೆಚ್ಚು ಗ್ರಂಥಗಳನ್ನು ರಚಿಸಿದ್ದಾರೆ. ಅವುಗಳಲ್ಲಿ 36 ಸಂಹಿತೆ, 72 ಗೀತಾ, 27 ವಂಶಚರಿತ್ರೆ, 24 ಉಪವಂಶ ಚರಿತ್ರೆ ಮತ್ತು 100 ಮಾಲಿಕಾ ಗ್ರಂಥಗಳನ್ನು ರಚಿಸಲಾಗಿದೆ. ಇವುಗಳಲ್ಲದೆ, ಇತರ ನಾಲ್ಕು ಪಂಚಸಕರು, ಅನಂತದಾಸ ಮಹಾರಾಜ, ಯಶೋವಂತದಾಸ ಮಹಾರಾಜ, ಜಗನ್ನಾಥದಾಸ ಮಹಾರಾಜ ಮತ್ತು ಬಲರಾಮದಾಸ ಮಹಾರಾಜರು ಸಹ ಅನೇಕ ಮಾಲಿಕಾ ಗ್ರಂಥಗಳನ್ನು ರಚಿಸಿದ್ದಾರೆ.

ಇಷ್ಟು ಗ್ರಂಥಗಳನ್ನು ರಚಿಸಿದ ನಂತರವೂ ಪಂಚಸಖರು, ನಾವು ಏನನ್ನೂ ಬರೆದಿಲ್ಲ, ಮಹಾಪ್ರಭುಗಳ ಅಪ್ಪಣೆಯಿಂದ ಲೋಕದ ಮಾನವರ ಕಲ್ಯಾಣಕ್ಕಾಗಿಯೇ ಎಲ್ಲವನ್ನೂ ರಚಿಸಲಾಗಿದೆ ಎಂದು ಬರೆಯುತ್ತಾರೆ. ನಾಲ್ಕು ಯುಗಗಳ ಭಕ್ತರು ಸತ್ಯಯುಗದಲ್ಲಿ ತಪಿಯಾಗಿ, ತ್ರೇತಾಯುಗದಲ್ಲಿ ಕಪಿಯಾಗಿ, ದ್ವಾಪರಯುಗದಲ್ಲಿ ಗೋಪಿಯಾಗಿ ಮತ್ತು ಕಲಿಯುಗದಲ್ಲಿ ಭಕ್ತನಾಗಿ ಈ ಅನಂತಯುಗದಲ್ಲಿ ಮತ್ತೆ ಭೂಮಿಗೆ ಬಂದಿದ್ದಾರೆ ಎಂದು ಮಹಾಪುರುಷರು ಹೇಳುತ್ತಾರೆ. ಅವರ ಸುಪ್ತ ಪ್ರಜ್ಞೆಯನ್ನು ಜಾಗೃತಗೊಳಿಸುವ ಮತ್ತು ಭಗವಂತನ ಲೀಲೆಯಲ್ಲಿ ಭಾಗವಹಿಸುವ ಸಮಯ ಬಂದಿದೆ, ಈ ವಿಷಯದಲ್ಲಿ ಸಾರ್ವಜನಿಕ ಜಾಗೃತಿಯನ್ನು ತರಲು, ಗೋಲೋಕ ವೈಕುಂಠದ ಸಂಪೂರ್ಣ ಸಂಸ್ಕಾರವನ್ನು ಜಾಗೃತಗೊಳಿಸಲು, ಮಾಲಿಕಾ ಗ್ರಂಥವನ್ನು ಪಂಚಸಖರು ರಚಿಸಿದ್ದಾರೆ. 

          ಭಕ್ತನು ಪ್ರಪಂಚದ ಯಾವುದೇ ಮೂಲೆಯಲ್ಲಿ ವಾಸಿಸಬಹುದು, ಮಾಲಿಕಾವನ್ನು ಕೇಳಿದ ನಂತರ ಮತ್ತು ಓದಿದ ನಂತರ ಮಾತ್ರ ಅವನ ಹಿಂದಿನ ಪ್ರಜ್ಞೆಯು ಜಾಗೃತಗೊಳ್ಳುತ್ತದೆ ಮತ್ತು ಅವನು ಭಗವಂತನ ಆಗಮನದ ಬಗ್ಗೆ ತಿಳಿಯುತ್ತಾನೆ ಮತ್ತು ಅವರೆಲ್ಲರೂ ಭಗವಂತನ ಆಶ್ರಯದಲ್ಲಿ ಬರುವರು. ನಾಲ್ಕು ಯುಗಗಳ ಭಕ್ತರು ಪ್ರಭುಜಿಯ ಪಾದಕಮಲಗಳನ್ನು ಆಶ್ರಯಿಸಿ ಅನಂತ ಯುಗಗಳಲ್ಲಿ ಧರ್ಮವನ್ನು ಸ್ಥಾಪಿಸುವ ಕಾರ್ಯಕ್ಕೆ ಕೊಡುಗೆ ನೀಡುತ್ತಾರೆ. ಮಹಾಪ್ರಭುವಿನ  ಬಗ್ಗೆ ತಿಳಿದ ನಂತರ, ಭಕ್ತರು ಭಗವಂತನು ಹೇಳಿದ ಸತ್ಯಯುಗದ ನಿಯಮಗಳು ಮತ್ತು ನಿಬಂಧನೆಗಳನ್ನು ಪ್ರಪಂಚದಾದ್ಯಂತ ಪ್ರಚಾರ ಮಾಡುತ್ತಾರೆ. ಭಕ್ತರು ಭಗವಂತನ ನಾಮ, ಸದ್ಗುಣ, ಮಹಿಮೆಗಳನ್ನು ಪಠಿಸಿ ಧರ್ಮ ಸಂಸ್ಥಾಪನೆ ಕಾರ್ಯದಲ್ಲಿ ತಮ್ಮನ್ನು ತೊಡಗಿಸಿಕೊಳ್ಳುವರು. ಇದಕ್ಕಾಗಿ ಅಚ್ಯುತಾನಂದರು ಹೀಗೆ ಬರೆಯುತ್ತಾರೆ –

“ಭಕತೆ  ಉದೆ ಹೋಇಬೆ, ಗಮ್

 ಗಮ್ ಬುಲಿ  ಮೆಲಿ  ಕರಿಬೇ, ರಾಮಚಂದ್ರ ರೇ|

 ಹರಿ ಚರಣೇ ಭಾಜಿಬೆ, ರಾಮಚಂದ್ರ ರೇ”

ಮೇಲಿನ ಶ್ಲೋಕದ ಅರ್ಥ-

ಭಕ್ತರು ಎಲ್ಲಿಗೆ ಹೋದರೂ ಒಟ್ಟಿಗೆ ಭಜನೆ ಕೀರ್ತನೆಗಳನ್ನು ಹಾಡಿ, ಧರ್ಮ ಪ್ರಚಾರ ಮಾಡುತ್ತಾರೆ.

ಪಂಚಸಖರ  ಪರಿಚಯ-

           ಮಹಾಪುರುಷ ಅಚ್ಯುತಾನಂದರು 1485 ರಲ್ಲಿ ಒಡಿಶಾದ ಕೇಂದ್ರಪಾಡ ಜಿಲ್ಲೆಯ ತಿಲಕಣಾ (ತ್ರಿಪುರಾ  ಎಂದೂ ಕರೆಯುತ್ತಾರೆ) ಗ್ರಾಮದಲ್ಲಿ ತಂದೆ ದೀನಬಂಧು ಖುಂಟಿಯಾ ಮತ್ತು ತಾಯಿ ಪದ್ಮಾವತಿಯವರ ಮಡಿಲಲ್ಲಿ ಜನಿಸಿದರು. ಮಹಾನ್ ವ್ಯಕ್ತಿ ಅಚ್ಯುತಾನಂದ ದಾಸರು  1,85,000 ಪುಸ್ತಕಗಳನ್ನು ರಚಿಸಿದ್ದಾರೆ ಮತ್ತು ಜ್ಯೇಷ್ಠ ಶುಕ್ಲ ಏಕಾದಶಿಯಂದು ನೆಮಾಲ ಪೀಠದಲ್ಲಿ ಸಮಾಧಿಯಾಗಿ  ಕುಳಿತು ಹುಣ್ಣಿಮೆಯ ದಿನದಂದು ಅವರು ತಮ್ಮ ಇಚ್ಛೆಯಿಂದ ದೇಹ ತ್ಯಾಗ ಮಾಡಿದರು. ಅವರ ಪುಸ್ತಕಗಳಲ್ಲಿ – ಹರಿವಂಶ ಪುರಾಣ, ಗೋಪಾಲಂಕ ಓಗಲ ಓ ಲಉಡಿ ಖೇಲ, ಬರ್ಮಸಿ ಗೀತಾ, ಶೂನ್ಯ ಸಂಹಿತಾ, ಅಣಾಕಾರ ಬ್ರಹ್ಮ ಸಂಹಿತಾ, ಮಣಿಬಂಧ ಗೀತಾ, ಜುಗಾಬ್ಧಿ ಗೀತಾ, ಬೀಜಸಾಗರ ಗೀತಾ, ಅಭೇದ ಕಬಚ, ಅಷ್ಟ ಗುಜ್ಜರಿ ನಾಬ ಗುಜ್ಜರಿ, ಶರಣ ಪಂಜರ, ಸ್ತ್ರೋತ್ರ ,ಬೀಪ್ರ ಬಾಚಕ, ಮಾನ ಮಹಿಮಾ ಮತ್ತು ಅನೇಕ ಭಜನೆಗಳು, ಪಾತಾಳಗಳು, ರಾಸಗಳು, ಜನನಗಳು, ಚೌತಿಸ (ಒರಿಯಾ ಭಾಷೆಯ 34 ಅಕ್ಷರಗಳಿಂದ ಪ್ರಾರಂಭವಾಗುವ 34 ಚರಣಗಳನ್ನು ಹೊಂದಿರುವ ಕಾವ್ಯವನ್ನು ಚೌತಿಸ ಎಂದು ಕರೆಯಲಾಗುತ್ತದೆ)  ಟೀಕಾ, ಮಾಲಿಕಾ ಇತ್ಯಾದಿಗಳು ಅತ್ಯುತ್ತಮವಾಗಿವೆ ಮತ್ತು ಒಟ್ಟು ಲಕ್ಷಾಂತರ ಗ್ರಂಥಗಳನ್ನು ರಚಿಸಲಾಗಿದೆ.

ಒರಿಸ್ಸಾದ ಪುರಿ ಜಿಲ್ಲೆಯ ಭುವನೇಶ್ವರದ ಬಳಿಯ ಬಾಲಿಪಾಟಣ ಗ್ರಾಮದಲ್ಲಿ 1488 ರಲ್ಲಿ ತಂದೆ ಕಪಿಲೇಂದ್ರ ಮತ್ತು ತಾಯಿ ಗೌರಾದೇವಿಯವರಿಗೆ ಜನಿಸಿದ ಮಹಾನ್ ವ್ಯಕ್ತಿ ಶಿಶು ಅನಂತದಾಸ್. ಅವರು ಅನೇಕ ಗ್ರಂಥಗಳನ್ನು ಮತ್ತು ಮಾಲಿಕಾವನ್ನು ಕೂಡ ರಚಿಸಿದ್ದಾರೆ. ಅವರ ಪುಸ್ತಕಗಳಲ್ಲಿ ಹೇತು ಉದಯ್ ಭಾಗವತ,  ಭಕ್ತಿ ಮುಕ್ತಿದಾಯಕ ಗೀತಾ, ಶಿಶು ಬೆದ ಟೀಕಾ, ಶೂನ್ಯ ನಾಮ ಭೇದ, ಅರ್ಥ ತಾರೇಣಿ, ಉದೆ  ಬಾಖರಾ , ಟೀಕ ಬಾಖರಾ ಮತ್ತು ಇತರ ಅನೇಕ ಭಜನೆಗಳು, ಚೌತಿಸ, ಮಾಲಿಕಾ ಗ್ರಂಥ ಇತ್ಯಾದಿಗಳು ಮುಖ್ಯ ಕೃತಿಗಳು.

       ಶ್ರೀ ಜಗನ್ನಾಥ ದಾಸ  ಮಹಾರಾಜರು  ಒಡಿಶಾದ ಪುರಿ ಜಿಲ್ಲೆಯ ಕಪಿಲೇಶ್ವರ ಗ್ರಾಮದಲ್ಲಿ ತಂದೆ ಭಗವಾನ್ ದಾಸ ಮತ್ತು ತಾಯಿ ಪದ್ಮಾವತಿಗೆ ಜನಿಸಿದರು. ಸಂಸ್ಕೃತದಲ್ಲಿ ಶ್ರೀಮದ್ ಭಾಗವತ್ ನಂತರ, ಅವರು ಮೊದಲು ಒರಿಯಾ ಭಾಷೆಯಲ್ಲಿ ಶ್ರೀಮದ್ ಭಾಗವತ್ ಮಹಾಪುರಾಣವನ್ನು ರಚಿಸಿದರು, ನಂತರ ಅವರು ಅನೇಕ ಪುರಾಣ ಶಾಸ್ತ್ರಗಳು ಮತ್ತು ಭವಿಷ್ಯ ಮಾಲಿಕಾ ಗ್ರಂಥಗಳನ್ನು ರಚಿಸಿದರು. ಅವರ ಪುಸ್ತಕಗಳಲ್ಲಿ – ಷೋಲ ಚೌಪದಿ, ಚಾರಿ ಚೌಪದಿ, ತುಲಾಭಿಣ , ದಾರು ಬ್ರಹ್ಮಗೀತೆ, ದೀಕ್ಷಾ ಸಂಬಾ

ದ, ಅರ್ಥ ಕೊಈಲಿ, ಮೃಗುಣಿ ಸ್ತುತಿ, ಗುಪ್ತ ಭಾಗವತ, ಅನಾಮಯ್ ಕುಂಡಲಿ, ಶ್ರೀ ಕೃಷ್ಣ ಕಲ್ಪಲತಾ , ನಿತ್ಯ ಗುಪ್ತ ಚಿಂತಾಮಣಿ, ನೀಲಾದ್ರಿ ಬಿಲಾಸ್, ಕಾಳಿ ಮಾಲಿಕಾ, ಇಂದ್ರ ಮಾಲಿಕಾ ಗ್ರಂಥ ಇತ್ಯಾದಿ. ಮುಖ್ಯವಾದವು. ಅವರ ಧರ್ಮಗ್ರಂಥದ ಜ್ಞಾನ ಮತ್ತು ಭಕ್ತಿಯಿಂದ ಮಂತ್ರಮುಗ್ಧರಾದ ಭಗವಂತನಾದ  ಶ್ರೀ ಚೈತನ್ಯ ಮಹಾಪ್ರಭುಗಳು ಅವರಿಗೆ ‘ಅತಿಬಡಿ’ ಎಂಬ ಬಿರುದು ನೀಡಿ ಅಲಂಕರಿಸಿದ್ದರು.

     ಮಹಾಪುರುಷ ಬಲರಾಮ್ ದಾಸರು  ಒಡಿಶಾದ ಪುರಿ ಜಿಲ್ಲೆಯ ಚಂದ್ರಾಪುರ ಗ್ರಾಮದಲ್ಲಿ 1470 ರಲ್ಲಿ (ಕೆಲವೊಂದು  ಕಡೆ  ಇದನ್ನು 1482 ಎಂದು ಉಲ್ಲೇಖಿಸಲಾಗಿದೆ) ತಂದೆ ಶೋಮನಾಥ ಮಹಾಪಾತ್ರ ಮತ್ತು ತಾಯಿ ಮಹಾಮಾಯಾ ದೇವಿ ಅವರ ಮಡಿಲಲ್ಲಿ ಜನಿಸಿದರು. ದಧ್ಯತಾ ಭಕ್ತಿ, ದಂಡಿ ರಾಮಾಯಣ, ಬ್ರಹ್ಮಾಂಡ ಭೂಗೋಳ, ಬಉಲಾ  ಗಾಈ  ಗೀತ್, ಕಮಲ್ ಲೋಚನ್ ಚೌತಿಸಾ, ಕಾಂತ್ ಕೊಈಲಿ, ಲಕ್ಷ್ಮೀ ಪುರಾಣ, ಬೇಧ ಪರಿಕ್ರಮ, ಸಪ್ತಾಂಗ ಯೋಗಸಾರ  ಟೀಕಾ, ಬಜ್ರಾ ಕಬಚ್, ಜ್ಞಾನ್ ಚೂಡಾಮಣಿ (ಗದ್ಯ), ಬ್ರಹ್ಮ ಟೀಕಾ (ಗದ್ಯ) ಇತ್ಯಾದಿಗಳು ಅನೇಕ ಶಾಸ್ತ್ರ ಪುರಾಣ ಮತ್ತು ಮಾಲಿಕಾ ಗ್ರಂಥವನ್ನೂ ರಚಿಸಿದ್ದಾರೆ. ಅವರು ಪುರಿ ಜಿಲ್ಲೆಯ ಸಮಗರಾ ಪಾಟ ಎಂಬ ಸ್ಥಳದಲ್ಲಿ ನಿಧನರಾದರು.

    ಮಹಾಪುರುಷ ಯಶೋವಂತ ದಾಸರು  1482 ರಲ್ಲಿ ಒಡಿಶಾದ ಕಟಕ್ ಜಿಲ್ಲೆಯ ಅಧಾಂಗ  ಬಳಿಯ ನಂದಿ ಗ್ರಾಮದಲ್ಲಿ ಕ್ಷತ್ರಿಯ ರಾಜವಂಶದಲ್ಲಿ ಜನಿಸಿದರು (ಕೆಲವೊಂದು  ಕಡೆ 1486 ಎಂದು ಬರೆಯಲಾಗಿದೆ) ತಂದೆ ಬಲಭದ್ರ ಮಲ್ಲ ಮತ್ತು ತಾಯಿ ರೇಖಾ ದೇವಿ ಅವರ ಮಡಿಲಲ್ಲಿ ಜನಿಸಿದರು. ಅವರು ಚೌರಾಸಿ ಅಜ್ಞಾ,  ಶಿಬ್ ಸ್ವರದ್ವಯ, ಷಷ್ಠಿಮಲಾ, ಪ್ರೇಮ್ ಭಕ್ತಿ ಬ್ರಹ್ಮಗೀತೆ, ಟೀಕಾ ಗೋವಿಂದ ಚಂದ್ರ (ಇದು ಕರುಣ್ ರಸದಿಂದ ತುಂಬಿದ ಕಾವ್ಯದಿಂದಾಗಿ ಬಂಗಾಳ, ಅಸ್ಸಾಂನಿಂದ ಉತ್ತರ ಭಾರತದವರೆಗೆ ಎಲ್ಲಾ ಪ್ರದೇಶಗಳಲ್ಲಿ ಪ್ರಸಿದ್ಧವಾಗಿದೆ) ಇನ್ನು ಮುಂತಾದವು .ಶಾಸ್ತ್ರ ಪುರಾಣದ ಜೊತೆಗೆ ಮಾಲಿಕಾ ಗ್ರಂಥಗಳೂ ರಚನೆಯಾದವು. ಅವರು ಮಾರ್ಗಶಿರ  ಮಾಸದ ಶುಕ್ಲ ಪಕ್ಷ ಷಷ್ಠಿಯ (ಓಧಾನಿ ಷಷ್ಠಿ) ದಿನದಂದು ತಮ್ಮ ದೇಹವನ್ನು ತೊರೆದರು.

     ಪಂಚಸಖರು ಆಧ್ಯಾತ್ಮಿಕ ತತ್ವ ಜ್ಞಾನದಲ್ಲಿ ಶ್ರೀಮಂತರಾಗಿದ್ದರು. ಎಲ್ಲಾ ಸಮಯದಲ್ಲೂ ಅವರು ನಿರಾಕಾರ (ಭಗವಾನ್ ಜಗನ್ನಾಥ) ನೊಂದಿಗೆ  ಸೂಕ್ಷ್ಮ ರೂಪದಲ್ಲಿ ಸಂಪರ್ಕದಲ್ಲಿದ್ದರು ಮತ್ತು ನಿರಾಕಾರನಾದ ಭಗವಂತನು  ಭವಿಷ್ಯದ ಬಗ್ಗೆ ಹೇಳುತ್ತಿದ್ದ ಎಲ್ಲವನ್ನೂ ವಿಷಯವನ್ನು ಭವಿಷ್ಯ ಮಾಲಿಕಾ ಗ್ರಂಥದಲ್ಲಿ ಬರೆಯುತಿದ್ದರು.

ಬ್ರಹ್ಮ ಗೋಪಾಲ್ ಮಹಾಜ್ಞಾತ ಅಚ್ಯುತಾನಂದರು  ಈ ಬಗ್ಗೆ ಪ್ರಸ್ತಾಪಿಸಿದ್ದಾರೆ.

“ಆಗಮ  ಭಾವ ಜಾಣೆ ಯಶೋ ಬಂತ್

ಗಾರಕಟಾ ಜಂತ್ರ ಜಾಣೆ  ಅನಂತ

ಆಗತ್ ನಾಗತ ಅಚ್ಯುತ್ ಜಾಣೆ  

ಬಲರಾಮ ದಾಸ್ ತತ್ವ ಬಖಾಣೆ  

ಭಕ್ತಿ ರ ಭಾವ ಜಾಣೆ ಜಗನ್ನಾಥ್ 

ಪಂಚಸಖಾ ಏ ಒಡಿಸ್ಸಾ ಮಹಂತ್ |

ಮ್ಲೇಚ್ ಪತಿತ ಉದ್ಧರಿಬಾ ಪಾಈ

ಜನಮ ಲಭಿಲೆ ಒಡಿಸ್ಸಾ ಭೂಈ|”

•  ಮೇಲಿನ ಸಾಲುಗಳ ಅರ್ಥವೇನೆಂದರೆ ಪಂಚಸಖರಲ್ಲಿ ಒಬ್ಬರಾದ ಶ್ರೀ ಯಶೋವಂತ ದಾಸ ಮಹಾರಾಜರು  ಆಗಮ, ನಿರ್ಗಮನಕ್ಕೆ ಸಂಬಂಧಿಸಿದ ಎಲ್ಲಾ ವಿಷಯಗಳನ್ನು ತಿಳಿದುಕೊಳ್ಳಲು ಸಮರ್ಥರಾಗಿದ್ದರು.
• ಮಹಾ ಪುರುಷರಾದ ಶಿಶು ಅನಂತ ದಾಸ ಮಹಾರಾಜರು ಸಂಖ್ಯಾಶಾಸ್ತ್ರದ ಮೂಲಕ ಭವಿಷ್ಯವನ್ನು ತಿಳಿದುಕೊಳ್ಳಲು ಸಮರ್ಥರಾಗಿದ್ದರು.
•  ಮಹಾನ್ ವ್ಯಕ್ತಿ ಅಚ್ಯುತಾನಂದ ದಾಸ ಮಹಾರಾಜರು  ಭೂತ,  ಭವಿಷ್ಯ ಮತ್ತು         ವರ್ತಮಾನಗಳ ಬಗ್ಗೆ ತಿಳಿದಿದ್ದರು. ಮತ್ತು ತತ್ವದರ್ಶಿಗಳಾಗಿದ್ದರು.
•  ಮಹಾನ್ ವ್ಯಕ್ತಿ ಬಲರಾಮ್ ದಾಸ  ಮಹಾರಾಜರು  ಶಾಸ್ತ್ರ ಮತ್ತು  ಬ್ರಹ್ಮಾಂಡದ ತತ್ವ  ಜ್ಞಾನದ ಬಗ್ಗೆ ಸಂಪನ್ನರಾಗಿದ್ದರು.
•  ಮಹಾನ್ ವ್ಯಕ್ತಿ ಜಗನ್ನಾಥ ದಾಸ ಮಹಾರಾಜರು ಅಷ್ಟಾದಶ ಪುರಾಣದ ಗರಿಷ್ಠ ಭಕ್ತಿ ತತ್ವಜ್ಞಾನವನ್ನು ಹೊಂದಿದ್ದರು.

ಭವಿಷ್ಯ ಮಾಲಿಕಾ ಗ್ರಂಥದ ಮಾಧ್ಯಮದ ಮೂಲಕ ಪಂಚಸಖರು  ಮಾಡಿದ ಭವಿಷ್ಯವಾಣಿಯಲ್ಲಿ, ಭಗವಂತನಾದ  ಶ್ರೀ ಜಗನ್ನಾಥನ ನಿರ್ದೇಶನದಂತೆ,  ಭಕ್ತರ ಮೋಕ್ಷ, ದೇವರ ಮತ್ತು ಭಕ್ತರ ಮಿಲನ , ಪಾಪಿಗಳ ಮತ್ತು ದುಷ್ಕರ್ಮಿಗಳ ವಿನಾಶ ಮತ್ತು  ದಿವ್ಯ ಸತ್ಯಯುಗದ ಆರಂಭಕ್ಕೆ ಸಂಬಂದಿಸಿದ ವಿಷಯವನ್ನು ಸ್ಪಷ್ಟವಾಗಿ ಉಲ್ಲೇಖಿಸಲಾಗಿದೆ . ಭವಿಷ್ಯ ಮಾಲಿಕಾ ಗ್ರಂಥದ ಎಲ್ಲಾ ಪುಸ್ತಕಗಳು ಈಗ ಮಾನವ ಸಮಾಜಕ್ಕೆ ಜೀವ ರಕ್ಷಕವಾಗಿವೆ.

ಪ್ರಸ್ತುತ, ವಿಶ್ವದಲ್ಲಿ ಮಹಾ ವಿನಾಶದ ಸಮಯ ಸಮೀಪಿಸುತ್ತಿದೆ, ಈ ಸಮಯದಲ್ಲಿ ಭವಿಷ್ಯ ಮಾಲಿಕಾದ ಅನುಕರಣೆ ಮಾಡುವುದು ಮತ್ತು ಭಗವಂತನ ನಾಮ ಸ್ಮರಣೆ ಮಾಡುವುದು. ಭಗವಂತನ  ಚರಣ ಕಮಲದಲ್ಲಿ ಆಶ್ರಯ ಪಡೆಯುವುದನ್ನು ಹೊರತುಪಡಿಸಿ ಬೇರೆ ಮಾರ್ಗವಿಲ್ಲ.

“ಜೈ ಜಗನ್ನಾಥ”